Mənim adım Elçin Heydərovdur, 25 yaşım var. 2024 - cü ilin iyul ayında müddətli həqiqi hərbi xidmətimi bitirmişəm. 2017 - ci ildə Abşeron rayonu, Masazır qəsəbəsində yerləşən Zəngilan rayonu 33 nömrəli tam orta məktəbi əla qiymətlərlə bitirmişəm, həmin ildə universitetlərə qəbul imtahanlarında 524 bal (ilk cəhddə) və 600 bal (sonuncu cəhddə) toplayaraq ADNSU-nun Proseslərin avtomatlaşdırılması mühəndisliyi (tədris ingilis dilində) ixtisasına qəbul olmuşam. 2021-ci ildə buranı 85.79 ÜOMG qiymətləri ilə bitirmişəm. Daha sonra 2023-cü ildə BMU-nun "Texnoloji proseslərin və istehsalatın avtomatlaşdırılması mühəndisliyi " ixtisasının müvafiq olaraq magistratura pilləsini ÜOMG - 81.65 qiymətləri ilə bitirmişəm. 2020-ci ilin avqust ayından 2021-ci ilin fevral ayına qədər (6 aylıq müddət ərzində) SOCAR-STP MMC - nin təşkil etdiyi təcrübə proqramında iştirak etmişəm. Universitetdə təhsil aldığım dönəmlərdə bir sıra özünütəkmilləşdirmə layihələrinə, könüllülük proqramlarına, start-uplara, eləcə də universitet daxili kurslara qoşularaq, burada dünyagörüşümü, analitik düşüncə qabiliyyətimi, komanda ilə işləmə bacarıqlarımı və daha çoxunu formalaşdırmışam. Bunun nəticəsi kimi, bir sıra rəqəmsal bilik və bacarıqlara yiyələnmişəm: MS Office (MS Word, MS Excel, MS PowerPt, Outlook), Multisim: Tool for Circuit Designing, Electronics Workbench, Proteus (Electronics circuits simulator), Zelio Soft 2, MATLAB&Simulink, EPANET, TIA Portal v14 - kimi tətbiqi proqram təminatına, proqramlaşdırma dillərinə aid müəyyən səviyyələrdə həm distant, həm də əyani bilik, bacarıqlar əldə etmişəm. Fərdi bacarıqlarıma isə, vizyonlu, təşəbbüskar, ünsiyyətcil, öyrənmək və araşdırmağa həvəsli, yenilik axtarışında, pozitiv düşüncəli kimi komponentləri misal göstərə bilərəm.